CEED Marketing  е ексклузивна програма наменета за претприемачи и менаџери кои покрај другото се задолжени и за маркетинг активностите на компанијата. Преку оваа програма учесниците ќе се стекнат со корисни познавања, алатки и методи за поефикасно да го применуваат маркетингот во нивното секојдневно работење со цел подобрување на работата на компанијата.

ЗА ПРЕДАВАЧОТ:
Ирена Јакимова има повеќе од 16 години работно искуство во маркетинг, комуникации, односи со јавноста и рекламирање. Работела на голем број кампањи, комуникациски стратегии и маркетиншки активности за клиенти како Кока-Кола, МекДоналдс, Нестле, Форд, Опел, Пивара Скопје, НЛБ Лизинг,  Лендолејкс и многу други, како и на голем број кампањи за едукација и ширење на јавната свест, спроведени со УСАИД или домашни институции. Нејзиното работно искуство опфаќа работа во агенциите ИДЕА Плус ДДБ, словенечката ПР агенција Престиж, а од 2001 до 2006 година била директор на една од најголемите агенции за маркетинг и комуникации, МекКен Ериксон Скопје, во чии рамки ја започнала и Лондонската школа за односи со јавноста (ЛСПР) во Скопје. Последниве години работела како одговорна за комуникации и односи со јавноста при Канцеларијата на Обединетите нации и УНДП во земјава. Слушала многу регионални обуки, а и самата држела интерни обуки на овие теми. По професија е економист (маркетинг и надворешна трговија), а магистрирала менаџмент (МБА) на Универзитетот Шефилд. Еден од основачите е на МААМ (Македонска Асоцијација на Агенции за Маркетинг). Сега работи како самостоен консултант.
*Во секој модул е предвиден и гостин-предавач за дадената тема.

 Што изјавија за CEED Маркетинг програмата:

Петар Наумовски-Млекара Здравје Радово
Прекрасна програма, со драго срце можам да кажам дека може многу да се научи. Добро е што имавме еден домашен предавач како што беше Ирена Јакимова. Предизвик да бидам дел од програмата ми беше да ги ситематизирам постоечките знаења и да научам многу нови, добив одговор на конкретни прашања, запознавање на врвни луѓе од оваа професија и слушање на нивните искуства.

Софија Главинова-Конгресен сервисен центар
Проектен менаџер
Целта ми беше да научам и да слушнам нешто повеќе околу маркетинг стратегии, маркетинг на услуги, да слушнам искуства на експерти кои се занимаваат со маркетинг подолго време. Маркетинг програмата би ја препорачала како интересна, едукативна, со опуштена атмосфера, каде преку практични примери кои даваат идеи и насоки за размислување, се акумулираат нови искуства и знаења.

Ирена Брчкова-Благој Ѓорев
Раководител на маркетинг
Одлична програма, ефикасна, со перфектна личност предавач - Ирена Јакимова. Се здобив со збогатено искуство, нови контакти, поуспешно планирање и спроведување на речиси сите маркетинг елементи. Добив проширени, подетални и попрактични совети, новини и предизвици.

Елисавета Маринкова-Македокомерц
Сопственик
Иделана програма без која не може да се очекува напредок во било кое претпријатие. Тие што нема да можат да учествуваат на обуките на CEED, нема да можат да ги следат новите трендови во бизнисот. Научив повеќе за маркетингот, стекнав нови знаења, контакти и нови соработници.

Филип Арсов-Синапс
Сопственик
Стекнав нови знаења, освежување на старите, нови контакти, релаксација и дружење. Браво за CEED, мора да ги посетите.

Ана Канческа-Раде Кончар ТЕП
Раководител на комерција
Програмата е корисна, стручна, интересна и креативна. Корисна пред се затоа што не едуцира во областа маркетинг, но и затоа што ги зголеми нашите контакти и ни овозможи бизнис релации. Услугата е професионална и флексибилна на нашите потреби. Се здобив со поголема едукација во маркетингот преку споделување искуства, можност за соработка со другите учесници и дружење. Сега поуспешно можам да ги имплементирам маркетинг процесите во своето работење.


Аплицирајте за CEED Marketing